Веќе подолго време се шпекулира дека Apple се подготвува да ги следи Samsung и Huawei, со што ќе ни презентира свој телефон на преклопување со флексибилен екран. Засега, она што со (скоро) сигурност знаеме е дека оваа година нема да добиеме ваков уред – најрано што може да го очекуваме е во септември 2020-та година.
Apple веќе има неколку патенти за ваков уред, со што очекувањата се дека екранот ќе се преклопува нанадвор, идентично како Huawei Mate X. Според шпекулациите, флексибилноста на екранот е од огромна важност и наводно iPhone Fold ќе има уште пофлексибилен екран од сегашните имплементации на Samsung и Huawei.
За жал, телефоните на преклопување немаа среќа – Samsung и Galaxy Fold се соочија со технички проблеми и мораа да го повлечат уредот, додека пак Huawei се соочува со своја битка со САД, при што губи пристап до софтвер и компоненти, така што продажбата на Mate X е се понеизвесна.
