Обично, од новите уреди во Note серијата очекуваме подобрено S Pen пенкало, поголем дисплеј, поиздржлива батерија и, се разбира, побрзи перфоманси. Според бенчмаркинг резултатите, изгледа дека Note 10 уредите дефинитивно нема да разочараат, особено во однос на перформансите и процесорите.
Exynos 9825 ќе биде првиот 7nm процесор на Samsung кој ќе се наоѓа во Note 10 и Note 10 Plus уредите, наменети за европскиот и јужнокорејскиот пазар. Токму оваа верзија од уредите се појави на Geekbench и беше тестирана.
Како што може да видите од фотографијата подолу, Exynos 9825 кој се наоѓа во Note 10 ќе биде побрз и од Galaxy S10 Plus. На тестирањето, Note 10 постигна single-core резултат од 4498 и multi-core од 10223. Со ваквите резултати, ова ќе биде најбрзиот Android смартфон во светот!
