Колку повеќе слушаме за новата серија на Google, толку повеќе изгледа дека Pixel 4 уредите ќе бидат слични на iPhone и Galaxy. Google веќе потврди дека уредите ќе имаат Face Unlock систем, слично како Face ID на Apple.
Во пределот на фотографиите, Pixel серијата е веќе добропознат и голем ривал на Apple и Samsung.
Според новите информации, Pixel 4 уредите ќе имаат нова функција наречена Motion Mode. Оваа функција ќе им овозможи на корисниците да прават добри слики од движечки предмети со замаглени позадини. Истотака, ќе доаѓаат со подобрен Night Sight. Оваа функција е наменета за квалитени фотографии при ниска светлина. Истотака, Pixel 4 ќе има и 8x зум креиран во комбинација на 5x зум и Super Res Zoom на Google.
