Moto G8 ќе доаѓа со 6.4 инчен LCD дисплеј со 720 x 1560 HD+ резолуција и тело-дисплеј сооднос од 19.5:9. Иако ваквите димензии означуваат висок и тенок дисплеј, сепак нема да биде толку тенок и висок како дисплејот на Motorola One Vision. Во внатрешноста на уредот ќе се наоѓа Snapdragon 665 со само 3GB RAM и 64GB меморија. На задниот дел ќе има систем од три камери – главна од 16 мегапиксели, 8 мегапикселна широкоаголна и 2 мегапикселна макро леќа. Селфи камерата ќе биде од 8 мегапиксели. Процесорот ќе биде придружен од батерија со капацитет од 4000 mAh.
Moto G8, G8 Power и G8 Stylus
Moto G8 Power ќе има 6.4 инчен дисплеј и ќе работи на Snapdragon 665. Овој модел ќе има 4GB RAM и 64GB меморија. Системот камери на задниот дел ќе биде ист како кај обичниот Moto G8. Една од најголемите разлики ќе биде во батеријата која кај G8 Power ќе биде голема и од 5000 mAh.
Последно, го имаме G8 Stylus за кој се појавија првите информации пред неколку месеци. Овој уред би требало да доаѓа со 6.4 инчен LCD дисплеј со 1080p FHD+ резолуција. Под хаубата ќе се наоѓа Snapdragon 665 со 4GB RAM и 128GB меморија. Главната камера ќе биде од 48 мегапиксели и ќе биде придружена од 16 мегапикселна широкоаголна камера и 2 мегапикселна макро камера. Селфи камерата ќе биде со висока резолуција од 25 мегапиксели. Батеријата ќе биде од 4000 mAh. Се разбира, уредот ќе доаѓа со пенкало.
