Најважната нова вест е дека 120Hz ProMotion технологијата ќе биде имплементирана во iPhone 12 Pro и iPhone 12 Pro Max. ProMotion е името кое Apple го има дадено на 120Hz дисплејот кој го нуди со iPadPro уште од 2017 година. Со оваа технологија, дисплејот ќе може да менува меѓу 60 и 120Hz, во зависност од содржината. Ова е со цел да се заштеди батеријата колку што е можно повеќе.
Ќе бидат најавени 4 нови iPhone модели – 5.4 инчен iPhone 12, 6.1 инчен iPhone 12 Plus, 6.1 инчен iPhone 12 Pro и 6.7 инчен iPhone 12 Pro Max. Сите четири ќе работат на A14 Bionic и ќе бидат достапни и 5G и 4G верзии. iPhone 12 Pro Max ќе работи на батерија од 4400 mAh што ќе понуди 10% поголема издржливост од онаа од 3969 mAh на iPhone 11 Pro Max.
iPhone 12 и 12 Plus ќе имаат ултраширокоаголна и широкоаголна камера, додека Pro моделите ќе додадат и камера за портрети со 3x оптички зум. Сo iPhone 12 Pro серијата ќе биде додадена и нова (Navy Blue) сина боја. За жал, ќе ја замени зелената верзија од iPhone 11 Pro која се покажа како популарна оваа година.
