Деновиве се појави нова Android закана која беше откриена од безбедносните истражувачи. Овој т.н “BlackRock” вирус напаѓа долга листа на познати апликации на Android уредите, вклучувајќи PayPal, Gmail, Yahoo Mail, Uber, Netflix, eBay, Amazon, Telegram, WhatsApp, Twitter, Snapchat, Skype, Instagram, Facebook, YouTube, Reddit, TikTok, Tumblr, Pinterest, Tinder, Grindr, па дури и самата Play Store апликација на Google.
За голем дел од корисниците ова се речиси сите апликации кои ги имаат на нивниот уред и ги користат секојдневно. Наједноставното решение е, се разбира, да се избришат апликации кои може да бидат потенцијална опасност. Но, бидејќи се популарни, потешко е да се решиме на ваков чекор. Наместо тоа, полесно е да внимавате кои апликации ги симнувате и кои update го превземате.
Добрите вести се што самите апликации не се опасни за користење сами по себе, туку одреден дел од профилите и платформите може да бидат нападни од вирусот. Со други зборови, не би требало да се појави никаков проблем, барем со овој вирус, доколку апликацијата е симната од официјалниот извор.
