Доколку веќе го имате инсталирано iOS 14, најверојатно мислите дека веќе ги имате испробано сите нови функции кои доаѓаат со него. Но, дали имате активирано “Back Tap”?
Ова овозможува секој сопственик на iPhone 8 или понов модел да допре два или три пати на задниот дел од телефонот за одредена акција. На пример, може да ја прилагодите опцијата така што со два допира на задниот дел ќе може да направите screenshot. Истотака може да биде користена и како shortcut или за активирање на Google Assistant со три допира.
За да вклучите Back Tap, одете во Settings > Accessibility > Touch > Back Tap. Потоа, ќе треба да одберете која акција сакате да се активира со два или три допира. Постојат голем број опции, отварање на Control Center, вклучување Siri и слично.
Доколку знаете добро да работите со вашиот iPhone, може да поставите и понапредни функции како на пример Siri да најавува нови информации, како временска прогноза, цена на акции, спортски резултати и слично.
