Пред некое време на Geekbench се појави Snapdragon-875 моделот од очекуваниот Galaxy S21. Два месеци претходно се појави моделот сo Exynos 2100 на страната и доколку ги споредите резултатите, Qualcomm процесорот се покажа како подобар. Но, типстерот Ice Universe објасни зашто разликата во резултатите меѓу овие два на тестирањето не е од големо значење.
И Snapdragon 875 и Exynos 2100 ќе бидат 5nm процесори. Истотака, двата ќе доаѓаат со иста архитектура и ќе вклучуваат едно Arm Cortex-X1 јадро, три Cortex-A78 јадра и четири Cortex-A55 јадра.
Но, Cortex-X1 јадрото на Exynos ќе има максимална фреквенција од 2.91Ghz, трите јадра ќе работат на 2.81Ghz, а четирите јадра на 2.21Ghz.
Во споредба на тоа, Snapdragon 875 Cortex-X1 ќе достигнува 2.84Ghz, Cortex-A78 јадрата ќе достигнуваат 2.42Ghz и Cortex-A55 јадрата ќе достигнуваат 1.8Ghz. Според тоа, Qualcomm дава приоритет повеќе на ефикасноста од перформансите на својот процесор.
Дали Exynos 2100 ќе користи поголема моќ? Според Max Weinbach, новиот чип ќе биде поефикасен во однос на моќта во споредба со претходните генерации, благодарение на што ќе има и подобрен живот на батеријата.
Galaxy S21 варијантите постигнаа single-core и multi-core од 1,120 и 3,319 поени. Exynos моделите постигнаа 1,038 и 3,060 поени.
