Од 2021-ва остана уште само еден месец и во новата година не очекуваат голем број нови и возбудливи гаџети. Голем дел од овие уреди ќе ја дефинираат 2021-ва. Кои се најдобрите меѓу нив?
Galaxy S21 серијата
јануари – февруари, 2021
Galaxy S21 серијата ќе доаѓа со три уреди – S21, S21+ и S21 Ultra. Овие уреди ќе пристигнат во јануари или на почетокот од февруари. Во Америка, уредите ќе доаѓаат со Snapdragon 875, додека во Европа ќе доаѓаат со Exynos 2100. Екраните ќе бидат од 6.2, 6.7 и 6.9 инчи. Ќе имаат и поголеми батерии, подобрени камери и, најверојатно S Pen поддршка.
Huawei P50 серија
Иако Huawei најверојатно нема да го обнови партнерството со Google, P50 серијата дефинитивно ќе пристигне следната година. За овие уреди не се познати многу информации, освен дека ќе доаѓаат со нов Kirin 9000 процесор. На почетокот ќе бидат претставени три уреди – P50, P50 Pro и P50 Pro Plus, подоцна придружени од буџетски P50 Lite.
OnePlus 9
првиот квартал од 2021-ва
Иако има неколку месеци до неговото најавување, за OnePlus 9 веќе се појавија голем дел од карактеристиките. Ќе има 6.8 инчен OLED дисплеј, брзо полнење, главна камера од 48 мегапиксели и моќен процесор. Цената би требало да биде ниска, и покрај спецификациите.
Galaxy Z Flip 3
Името на следбеникот на Z Flip ќе биде Z Flip 3, наместо Z Flip 2. Овој уред ќе има 120Hz дисплеј, 5G, флегшип процесор, и најважно, нов и подобрен дизајн. Главниот дисплеј ќе биде 6.7 инчен.
Galaxy Z Fold 3
Со оглед на големиот интерес за Galaxy Z Fold 2, Samsung дефинитивно ќе најави и негов следбеник. Бидејќи се очекува да биде најавен во втората половина од годината, за него не се познати многу информации.
iPhone 13 серија
Се разбира, листата не може да биде целосна без нова iPhone серија. Претходно, овие уреди секогаш биле претставувани во септември, но оваа година пристигнаа во октомври. Следната година ги очекуваме во еден од овие месеци. Аналитичарите сметаат дека серијата ќе се состои повторно од 4 модели – 5.4 инчен iPhone 13 mini, 6.1 инчен iPhone 13 и iPhone 13 Pro, 6.7 инчен iPhone 13 Pro Max. Истотака, нема да има големи промени во дизајнот. Наместо тоа, Apple ќе се фокусира на подобрување на камерите, особено кај Pro верзиите.
Motorola RAZR 2021
Со овој модел, фановите се надеваат дека Mototola ќе поправи голем дел од проблемите кој ги има овогодинешниот RAZR. За него нема многу информации, но дефинитивно ќе пристигне следната година.
