Додека дел од компаниите сеуште ги подготвуваат своите Snapdragon 888 уреди, Xiaomi веќе го најави својот својот ваков уред. Xiaomi Mi 11 е првиот смартфон официјално достапен кој работи на Snapdragon 888. Уредот е веќе достапен во Кина, а на глобално ниво ќе биде достапен од 1 јануари.
За разлика од Mi 10 и Mi 10 Pro, Mi 11 има 120Hz панел со резолуција од 3200 x 1440 пиксели. Самиот дисплеј е 6.8 инчен. Селфи камерата е сместена во средина и е од 20 мегапиксели.
Snapdragon 888 ветува брзи перфроманси и е директен ривал на Apple A14 Bionic. Придружен е од 8GB RAM и 128GB меморија како стандард и ќе има верзија и со 12GB RAM и 256GB меморија. Цената е 610 долари во Кина.
