Брендот Black Shark на Xiaomi во март минатата година во Кина ја претстави Black Shark 5 од серијата на Black Shark телефони, а неговиот наследник се очекува да пристигне истиот период оваа година.
Иако сè уште нема официјални информации, докажаниот типстер Digital Chat Station ги откри првите детали. Серијата Black Shark 6 ќе се напојува со процесор Snapdragon 8 Gen 2, ќе има рамен екран со резолуција 2K со централен отвор за селфи камерата, додека на задната страна ќе биде главната камера со 64MP Sony IMX686 сензор. Ќе му се придружи ултра широка и макро/телефото камера.
Се очекуваат и два звучника, како и „најмоќното активно ладење“ кое ќе гарантира постојани перформанси. Black Shark 6 ќе има метална рамка со керамичка структура на куќиште, а ќе се напојува од батерија од 5.000 mAh која ќе поддржува полнење од 120 W.
Колку уреди ќе ја сочинуваат серијата Black Shark 6 сè уште не е познато, но ако ситуацијата е иста како минатата година, тогаш можеме да ги очекуваме основните, RS и Pro верзии во Кина, односно основните и Pro верзиите на глобалниот пазар неколку месеци подоцна.
