OnePlus го претстави својот прв уред во 2024 година, со нетрпение очекуваниот паметен телефон OnePlus Ace 3.
Станува збор за уред претставен во Кина, кој пристигна како директен наследник на минатогодишниот модел Ace 2 и носи одредени подобрувања во спецификациите и до 1 TB внатрешна меморија. Овој модел ќе се појави и на меѓународните пазари, но под името OnePlus 12R.
Ace 3 има 6,7-инчен LTPO AMOLED екран со резолуција од 1.240 x 2.772 пиксели со адаптивна стапка на освежување од 1 – 120 Hz. Панелот е произведен од компанијата BOE, неговата осветленост е 1.600 нита во автоматски режим, а максималната осветленост е до 4.500 нита. Заштитен е со Corning Gorilla Glass Victus 2 стакло, а во исечокот има селфи камера од 16 MP.
OnePlus го пренесе својот дизајнерски јазик кој дебитираше со доаѓањето на OnePlus 11 со алуминиумска рамка и стаклен заден панел и кружен модул за камера што се вклопува во страничната рамка. Ace 3 го доби и познатиот лизгач за известувања.
На задната страна се наоѓа главната камера Sony IMX890 од 50 MP со оптичка стабилизација на сликата, а има и ултра широка камера од 8 MP и макро камера од 2 MP. Уредот се напојува со процесорот Snapdragon 8 Gen 2 на Qualcomm, кој е поврзан со 12 или 16 GB LPDDR5X RAM и до 1 TB внатрешна меморија UFS 4.0.
Што се однесува до софтверот, смартфонот користи ColorOS 14 базиран на Android 14, а се напојува од батерија од 5.500 mAh која поддржува брзо полнење од 100W SuperVOOC, што овозможува полнење од 0% до 100% за само 27 минути.
OnePlus Ace 3 доаѓа во црна, сина и златна боја.
Цените во Кина се движат од 365 долари за конфигурација од 12/256 GB до 493 долари за верзијата со 16 GB RAM и 1 TB внатрешна меморија.
Продажбата во Кина ќе започне на 15 јануари, додека на меѓународните пазари ќе пристигне како OnePlus 12R на 23 јануари.
