Какви новитети не очекуваат во смартфон светот во 2020 година?
Galaxy S20 серијата
Најавена
Новата флегшип серија на Samsung беше најавена во февруари и се состои од три модели – S20, S20+ и S20 Ultra. Со неа веќе добро се имаме запознаено и затоа нема многу да се задржуваме
Samsung Galaxy Fold 2
Ненајавен
По тежок почеток, Samsung оваа година сепак планира да го претстави следбеникот на Galaxy Fold. Како мало потсетување, претставувањето на овој уред беше одложено, бидејќи корисниците веднаш наидоа со проблеми со неговиот дисплеј. За Gaalxy Fold 2 не се познати многу информации, освен дека ќе доаѓа со дисплеј на преклопување кој ќе се отвара исто како Motorola RAZR и Galaxy Z Flip
Apple iPhone 9
Ненајавен
Можеби најочекуваниот уред за 2020 година е iPhone 9. Овој уред се смета дека ќе биде следбеник на iPhone 8 и ќе биде буџетскиот уред на Apple за оваа година. Се смета дека ќе биде следбеник и на iPhone 8 и на iPhone SE. Истотака, голема е веројатноста дека заедно со него ќе биде претставен iPhone 9 Plus, како следбеник на iPhone 8 Plus. Знаеме дека:
- ќе изгледа како iPhone 8
- ‘ќе има LCD екран
- ќе има физичко Home копче со Touch ID
- ќе работи на најновата iOS платформа
- ќе чини околу 350 долари
Huawei P40 Pro
Ненајавен
Huawei P серијата е наменета за континуирано подобрување на фотографиите и камерите кај смартфон уредите. Пред две години, компанијата изненади со P20 Pro и Night Mode опцијата, а минатата година P30 Pro серијата повторно претстави неколку значителни промени и подобрувањата кај камерите. Слични очекувања имаме и за P40 серијата.
OnePlus 8 Pro
Ненајавен
OnePlus се очекува да ја започне серијата со нов буџетски уред – мала промена од претставувањето на флегшип уреди. Сега за сега, не се познати многу детали околу овој смартфон.
Apple iPhone 12 серијата
Ненајавен
Се разбира, во септември Apple ќе ги претстави своите нови флегшип смартфони. Покрај тоа што ќе доаѓаат со 5G, најверојатно ќе имаат и нов дизајн, како и големи промени кај камерите. Бидејќи ќе бидат претставени во втората половина од 2020-та, нивните карактеристики официјално не се потврдени. Се зборува дека ќе бидат достапни четири модели – iPhone 12 со 5.4 инчен панел, iPhone 12 со 6.1 инчен панел, iPhone 12 Pro со 6.1 инчен панел и iPhone 12 Pro Max со 6.7 инчен панел
Galaxy Note 20
Ненајавен
Со овогодинешната Galaxy Note 10 серија, Samsung навистина изненади со неколку промени. Најпрво, ова е првата Note серија која вклучува два модели – Note 10 и Note 10+. Без разлика дали ќе биде именувана како Note 11 или Note 20, од оваа серија повторно очекуваме неколку поголеми подобрувања.
