Станува се потешко за луѓето да проценат кои информации и новости во врска со пандемијата низ која поминуваме треба да веруваат. На интернетот може да се најдат низа статии и видеа во врска со симптомите, болеста и слично. Една од најновите информации во која веруваат голем дел од луѓето е дека 5G технологијата има некаква поврзаност со вирусот. Но, тоа не е докажано.
Извршниот директор на YouTube сподели дека однесувањето на корисниците се има променето како што расте бројот на заразени и починати од вирусот. Првично, луѓето бараа само основни информации околу вирусот. Потоа, се појавија видеа кои бараа совети како луѓето полесно ќе може да ја издржат самоизолацијата дома. Сега, корисниците бараат позабавен тип на видеа, како совети за вежбање, фитнес видеа, рецепти и слично. Луѓето се учат како сами можат да се издржуваат.
Но, една информација за која корисниците бараат се повеќе видеа е поврзаноста на COVID-19 со 5G технологијата. Во својата изјава, извршниот директор на YouTube сподели дека сите видеа кои тврдат таква поврзаност ќе бидат избришани, се додека истата поврзаност не биде потврдена.
